दाङको तुलसीपुरमा अटो दुर्घटना हुँदा एक जनाको मृत्यु भएको छ । बुधबार बिहान साढे ८ बजेतिर तुलसीपुर उपमहानगरपालिका १२ टरिगाँउ स्थित जसपुरबाट तुलसीपुरतर्फ आईरहेको रा १ ह ४५१३ नम्बरको अटो अनियन्त्रित भई पल्टिदा एक जनाको मृत्यु भएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
मृत्यु हुनेमा दंगिशरण गाउँपालिका २ निवासी ८५ वर्षीय जिवराज बस्नेत रहेका छन् । दुर्घटनामा परी गम्भीर घाइते भएका बस्नेतको राप्ती प्रादेशिक अस्पताल, तुलसीपुर दाङमा सामान्य उपचार पश्चात नर्सिङ होम नेपालगंज बाँकेमा रिफर गरिएको थियो। उनको उपचारका क्रममा आज बेलुका सवा ६ बजेतिर मृत्यु भएको हो ।
प्रहरीले अटो र अटो चालकलाई नियन्त्रणमा लिई थप अनुसन्धान गरिरहेको बताएको छ । अटोमा तीन जना सवार रहेका थिए।